黄宗泽新发型被劣评 网民：似《反斗小王子》嘅和真

歌影视三栖艺人黄宗泽（Bosco），自从上年约满无线后，佢就加盟邵氏兄弟，主攻内地发展揾人仔。喺㖊日，佢就现身《2019香港国际影视展》（FILMART）嘅“邵氏兄弟影视项目发布会”，再以一个全新发型出现，不过呢个新发型就被网民笑佢似足卡通人物。

多年嚟，型男Bosco都冇转过发型，多数以比比鸟头示人。但㖊日见佢竟然将两边头发铲到见到头皮，仲将头顶嘅头发gel起。呢个春天新造型，睇落系几清新嘅。有新look当然要同粉丝分享啦！Bosco就喺社交网站上载新发型嘅相片，并留言问大家点睇佢呢个新发型，不过就被唔少网民笑佢个新发型唔掂同埋好似卡通片《反斗小王子》入面成日孭住邪留丸嘅和真，纷纷留言话：“哇，唔得”、“好肉酸”、“男神不要恶搞自己的头