前无綫小生陈键锋因有脑血管遗传病，被迫中断演艺工作，自前年拍完网络电影《封神榜大破万仙阵》后，就未有任何幕前幕出，甚少露面嘅佢，佢（9日）终于蒲头，原来佢同音乐人黄伟文系神秘老友，依家喺英国嘅黄伟文于社交网晒出同陈键锋嘅合照，留言：“可能你未必知道我同阿苗其实系熟嘅（睇款式我哋好似大缆都扯唔埋咁呀呵？）早于好多年前（我估佢寜愿我唔好讲实数）喺电台已经认识。将Samuel变成‘阿苗’都系我做嘅。”

黄伟文仲大爆陈键锋嘅秘密，指佢系唱得之人，其实佢曾签过3间唱片公司，仲试过差啲喺台湾出碟，虽然最后未能成事，不过可见佢有个歌手梦！