陈浩民扮圣诞老人被大女识穿强掹胡须

陈浩民扮圣诞老人被大女识穿强掹胡须

港剧大全 港台男星 2017-12-26 19:05:20 32


陈浩民扮圣诞老人被大女识穿强掹胡须

该新闻包含视频,即将在公众号tvbvideo推送,敬请关注!


圈中有唔少模范爸爸趁住圣诞节,为子女花尽心思,希望可以畀到佢哋一个难忘嘅圣诞。向来工作忙碌嘅艺人陈浩民就化身成圣诞老人,畀个惊喜畀囝囝囡囡,不过就畀大女雅薷识穿,而太太蒋丽莎就喺社交网上载多张合照,见到着晒圣诞老人装嘅陈浩民,啲衫同白胡须都跌晒,难怪蒋丽莎就话:“圣诞节快乐一个被大侦探雅薷玩坏了的,最无辜圣诞老人衣服都差点被扒了,笑到肚子都疼了,你终于知道“白雪公主”的心情了吧!抓住圣诞尾巴再次祝愿(愿)大家平平安安健健康康快快乐乐开开心心幸幸福福~@陈浩民benny”陈浩民唔单止预备咗礼物,仲有一个非常精致嘅蛋糕,哗!爸爸咁好,唔怪得一班仔女都冲向爸爸度,笑得不知几开心,仲嚟张一家六口合照,场面温馨!


另一边,同样系好爸爸嘅内地艺人张丹峰,同样化身成圣诞老人,送礼物畀囡囡,仲喺社交网上载咗短片,就留言表示:“以后每年都为女儿扮圣诞老人,等她长大之后再告诉她那个其实是爸爸,但是感觉我女儿好像被吓坏了。祝大家圣诞快乐!”片中见到张丹峰换咗圣诞老人装束,似乎心情好开心,当张丹峰出现喺囡囡面前,仲送礼物畀佢,而太太洪欣最后都有入镜,仲一家三口合照,不过囡囡就完全认唔到爸爸,仲表现有啲惊,搞到洪欣不停笑,网民都话张丹峰扮得好成功添!


陈浩民被大女“剥光猪”。


陈浩民个样交足戏,睇见就痛。


本来系咁样嘛。


圣诞节最紧要一家人开开心心。


变番真身陈浩民。


啲蛋糕几靓。


到张丹峰扮圣诞老人。


真系好认真。


差啲认佢唔到。


囡囡都认佢唔到㖞。


阿女开始惊惊哋。


---------------------------------

商务合作QQ:2063871309 

最新最快最全:关注订阅号tvbdrama回复你想要的

(长按下图识别二维码即可轻松关注)

发表评论

正在加载验证码......

请先完成验证