歐倩怡,放過郭晉安啦 金句王 港台女星 2026-01-27 22:50:45 4 创作不易，用心坚持，欢迎请BaGua喝几杯爱心咖啡！打赏并支持本文 打赏并删除本文 郭晉安同歐倩怡喺2024年突然宣佈離婚、結束18年婚姻時，唔少人都覺得好愕然。雖然離婚後歐倩怡對傳媒老作咗好多前夫嘅不是，不過郭晉安始終保持低調，甚少回應。於是乎一個巴掌最終都係拍唔響。之後就係歐倩怡傳出有新戀情，仲被影到同新男友拍拖約會撐枱腳。至於郭晉安雖然有緋聞，但似乎都係當時劇集嘅宣傳套路，佢亦一一否認。去到嚿年年底，佢哋離婚一年幾之後，郭晉安先至首次喺訪問中提到上一段婚姻。佢話自己有啲控制慾，想另一半配合自己，所以離婚佢都有責任，不過就係講咗咁多。而近日歐倩怡出席隔籬台HOY TV活動被問到感情進展時，佢就笑住口讚新歡讚到飛起：話對方係運動型、周身肌肉、體能好好、性格正面又包容。最重要嘅係佢提到二人嘅相處模式，強調：「大家會互相遷就」。嗱唔使數，短短七隻字啫，可圈可點咁回應咗郭晉安自嘲嘅控制欲。港真，郭晉安喺任何訪問中其實都唔需要講咩控制欲呢啲嘢，因為係唔係都冇人知，就算被人話亦好難對號入座。不過佢咁講咗，依家反而有位被人入。難怪歐倩怡此言一出，即刻就被網民指佢暗寸前夫、暗示新歡比舊愛更好。其實又係嘅，兩個人離婚之後已經各自生活，各自修行，各自安好。真係冇必要單單打打。雖然歐倩怡又話自己唔再係戀愛腦，會以事業為重，不過任何新戀情熱戀期始終都會有濾鏡。目前就算幾好幾好都好，都唔一定要用高調嘅字眼，去回應翻前夫講過嘅說話。何況郭晉安之前對佢應該都好好，婚後唔使佢做幕前，又支持佢嘅理想，一直供佢繼續讀書進修。就算離婚後，一對仔女亦都係跟老窦，等佢可以更自由，以上呢啲其實都好包容同遷就㗎喇。所以就算唔係好似網民所講嘅暗踩，但離婚後佢嘅言行都似乎係心有不甘、唔忿氣咁㗎喇。尤其係對比翻郭晉安嘅「靜音禮儀」，真係高下立見。感情未必一定有對錯，但既然和平分手又冇打官司爭家產，就最起碼可以低調啲，互不打擾。特別是仲有一對啱成年嘅仔女夾喺中间。* 原創文章未經許可不得轉載或引用◂ END ▸ 创作不易，用心坚持，欢迎请BaGua喝几杯爱心咖啡！打赏并支持本文 打赏并删除本文 感谢您的支持鼓励，我会继续努力的!文章地址：用户邮箱：打赏金额：USDT 请输入数字点击”去打赏“，即可进行打赏支持本文章哦 欧倩怡 发表评论
