艺人黄浩然与太太莫家嘉育有两位公子，虽然二人早前曾传出情变，不过佢哋以行动证恩爱，原来不知不觉佢哋已经结婚14年、相爱18年，唔怪得之佢哋一家四口齐齐去咗台湾旅行，而今次个Trip黄浩然仲鬼咁浪漫整爱的礼物赠太太添！

见佢哋一家人未出发先兴奋，去到台湾就系咁食好嘢，唔讲唔知呢个原来系黄浩然同太太嘅结婚周年Trip，黄浩然仲走咗去整咗盏浪漫到爆嘅玫瑰灯，上面刻住老婆至爱嘅卡通，又写住“Happy 14th Anniversary”，太太就踢爆呢份系佢哋相爱18年嚟第二份佢自制嘅礼物添，真系冧到晕！

而佢同太太都不约而同上载合照到社交网，黄浩然留言：“一段感情能够走了十八年，真的不容易。除了缘分，还要有爱、包容、忍耐、欣赏、浪漫......我深信最重要的是相方都有坚定的信念，相信大家能一起走一辈子！愿我们一起走下去吧！Happy 14th Anniversary !Love u my Love ❤️”So Sweet～～