同TVB争万绮雯?马浚伟:她是最适合人选

艺人马浚伟及罗敏庄（Mimi）接受《有线娱乐新闻》主持钟炜乔访问，宣传两人有份演出的舞台剧。马浚伟透露今次演出徐志摩一角，将会让大家耳目一新，他说：“徐志摩喺处理感情同私生活上，一向被人负评，我创作嘅呢个剧本唔会美化佢嘅故事，反而会赤裸裸将佢抛妻弃子最狠心嘅一面演出嚟，我已经预左观众睇完会闹我！蚊蚊（万绮雯）今次饰演陆小曼，系最适合嘅人选，佢有一种民国大美人嘅气质，呢个角色系为佢度身订造！（传佢为左演出你呢个舞台剧，推左无綫剧，你抢人？）冇，如果人的要唔畀你，你又点会抢得到呢？”
马浚伟事业得意，被问到何时才肯成家立室？他坦言：“感情方面唔急得，要嚟就嚟，我最近生活习惯唔同左，识多左好多新朋友，要慢慢考虑。”Mimi则大赞马浚伟是“笋盘”，她说：“我相信只要佢OK，一定有好多女仔排晒队。以佢今时今日男一嘅地位，佢愿意放低一切，为舞台剧付出咁多时间、心血同金钱，呢份热诚令我好感动，所以我宁愿牺牲陪女女嘅时间都要参与演出！”