艺人叶璇自2015年与内地男友小默先生公开恋情后，关系时好时坏，感情反覆，近年更屡次传出分手消息。不过，叶璇去年7月突然“放闪”，喺微博回覆网友话自己结婚生B，又暗示收巨钻，当时已传出佢怀有五个月身孕。

叶璇社交网晒出一份连体婴摆设礼物，有网友留言：“你也应该生了，亲爱的。丽颖都生了。”而叶璇就大方回覆：“早就生完了啊”疑似公布已为人母嘅消息，唔少网民纷纷留言送上祝福。其实近年已经甚少见到叶璇上载全身照，加埋佢亲自回覆网友嘅留言，咁佢系咪真系做咗人阿妈呀？

男星吴建豪（Vanness）早前爆出同结婚5年嘅富商千金石贞善（Arissa）已经结束夫妻关系，事后Vanness一直未有公开回应事件，不过见佢依然keep住更新社交网，早前仲孖住好友周杰伦及林俊杰去到美国洛杉矶，似乎心情未受影响。呢日佢就去咗探望好友安志杰及Jessica C.（JC）一家，仲同佢哋两个小朋友Tessa及Elvis打成一片。JC喺社交网上载多段短片，其中一条片见Vanness先一手抱住Elvis，然后再单手抬起Tessa，之后仲冧爆咁锡向Tessa，凼到佢哋超开心，啲父爱出晒嚟！

内地女星吴谨言近日频频出席公开活动，日前现身《2019电视剧品质盛典》时，曾因手指过度纤瘦揈甩戒指，成为热话。而她于上海出席品牌活动的照片流出，穿圆领裙的她仙气十足。

原本她已四肢纤幼，因面颊凹陷及锁骨劲凸出，加上颈部有明显的皱纹，再被网友指过度瘦削，“暴瘦变行走的骷髅”。

歌手邓紫棋（G.E.M.）近日与经理人关系破裂，更以800字控诉“不公平的对待”及严重违约，风波未了之际，又传出台湾高雄市本打算请G.E.M.担任3月观光大使，有指因开出天价而告吹。

G.E.M.昨晚（9日）的澳门骚因技术故障，演唱会足足延迟两个小时才开骚。在等待中途有网友大嗌回水，G.E.M.为安慰等候的粉丝，即在社交网开12分钟直播，上台后又鞠躬道歉请大家原谅。不过有指制作单位对她未能出场极之不满，内地传媒又指有工作人员向其透露，如果发生机件意外，只需半小时便可以完成修理，未知延迟两小时的真正原因。

艺人陈法拉自从喺美国完成戏剧硕士课程后，不时做“空中飞人”，四出进行拍摄工作，真系忙到爆！呢日佢又要飞喇，见佢晒出喺飞机舱内嘅照片，相中佢着住睡衣、戴上眼罩正准备瞓觉，打扮劲随意！而搭长途机如果饮少少酒系会好瞓啲嘅，法拉亦唔例外，佢就叫咗一杯香槟，点知机舱服务员之后竟为佢送嚟一支香槟，仲话成支都系佢嘅，哗！靓女嘅待遇果然系唔同啲！网民都话法拉会唔会之后饮醉，仲笑佢呢套睡衣嘅设计有啲似酒店执房员喎！

艺人林子聪（肥仔聪）执导网络电影《济公之降龙有悔》早前推出，即成为同期网络电影浏览之冠，成绩如此好，当然陆续有来，肥仔聪现已有至少四部网络电影要开拍，非常抢手！而拍摄《济》片，陈浩民与张秀文可说是“铁胆”演员，其中一幕，两人分别扮包公与公孙策，张秀文更反串，效果搞笑，演得相当投入！肥仔聪亦大赞张秀文愈做愈好：“我同佢合作过几套戏，佢选过港姐但冇港姐嘅包袱，傻得嚟几搞笑，系一位相当唔错嘅演员，所以我开戏有啱佢嘅角色都会预佢。”

内地男星陈坤同女星舒淇向来老友鬼鬼，佢哋不时都会约埋一齐饭敍，仲会喺社交网大晒合照。呢日佢哋再次相约友人聚会，今次就连内地男星黄渤都有现身，场面相当热闹。睇番啲相，陈坤分别同在场朋友自拍，唔单止张张相都见到佢嘟哂嘴咁，其中一张相仲明显睇得出佢同舒淇两个都面红红，似乎佢哋饮咗唔少，相当尽兴。其实陈坤、舒淇同黄渤呢“三剑侠”关系好好，佢哋仲曾经喺电影《寻龙诀》合作，今次再次同场，即令唔少网友表示希望佢哋可以再拍续集。