黄宗泽半夜Call苗侨伟 拍《飞虎2》瞓唔着

艺人苗侨伟、黄宗泽（Bosco）出席《飞虎之雷霆极战》记者会，问到饰演秘密行动组总指挥的苗侨伟在剧中会否骚肌？他笑言：“夏天我唔介意骚吓，但冬天会起鸡皮，点除呀咁冻？”Ron即建议对方可着冷底裤保暖。苗侨伟透露经常都有做运动操弗身形，但认为骚肌欠缺新鲜感：“冇乜好睇，应该睇剧情、大场面同Lee Pace。”

剧中，Bosco跟Lee Pace饰演好朋友，有最多对手戏，由于对方有逾六呎高，Bosco不讳言今日着增高鞋上阵，增高三寸以免身高距离太大：“我揾咗好耐先揾到呢对增高鞋顶一顶，不过外国人身材系高大啲。（Gel高个发型？）再高就变成punk头。或者叫导演安排啲佢坐低嘅戏，哈哈！”Ron笑言必要时Bosco可企木箱。除了身高问题，Bosco在剧中亦有不少英语对白，要努力练英文：“我揾咗老师练英文，攞住剧本练，我头先都同Lee Pace倾咗几句，闲话家常沟通到。我几个月瞓唔着。”苗侨伟闻言即爆Bosco半夜三更打给他倾心事。

点击下方广告支持小编！谢谢你！！！