曾经嘅被绑架女神——宣萱，离开TVB五年，近日突然回归TVB拍4K新剧——《不懂撒娇的女人》

呢部剧系都市爱情轻松喜剧，除咗女神返嚟，连同样离巢多年嘅型男林文龙，都一齐返嚟撑场，除咗佢地两个，仲有唔少新老绿叶衬托！

因为呢次TVB就快50周年，打算整啲新突破，玩新挑战，以前大部分场景都系喺摄影棚拍摄，呢铺新挑战全剧实景拍摄、4K画质，仲会并拉大队到上海同台南取景！

现场记者采访嗰阵，就追问佢地今次系唔系打算同TVB签长约，林文龙第一时间否认

话净系得呢部，跟住宣萱都跟住话：“先拍呢部，之后再考虑”

但系部戏开拍三个礼拜，林文龙即刻爆大锅，话宣萱已经同无线签咗长约！

仲话宣萱要超越TVB传奇人物罗兰！

今年46岁嘅宣萱姐姐虽然唔细，但系超越罗兰仲有一段时间，睇下佢宜家嘅样，过咗咁多年，好似冇变老过咁，风采依然！

其实佢呢几年外表都有过翻天覆地嘅变化。早嗰几年佢真系“肥过电单车”▼

差啲超越郑欣宜▼

突然肥成咁都系有原因嘅，在2011年8月18日，佢同外籍兽医男友Ruan分手之后，曾经佢仲话可以为咗爱情可以放弃事业，点知突然就分咗手，然后就开始放纵自己，体型自然慢慢上升……

其实变肥除咗分手嘅原因之外，仲有另一个原因，系嗰段时间，宣萱咁系同TVB合约结束，跟住返咗大陆发展。

点解翻大陆发展会变肥？因为 “喺大陆拍戏好似天堂咁”，呢个都系佢当年离开TVB嘅原因。

宣萱表示TVB唔重视艺人，当初喺TVB拍戏实在太辛苦，一日拍20几个小时系家常便饭，每日睡瞓两个钟真系好煎熬。

表面上睇其实好风光，实际上有好多辛酸，喺影棚，妆自己化，头发自己整，10年前拍摄《寻秦记》嗰阵，因为误食一粒变质鸡蛋，喺病床上打咗8日吊针，一共打咗20支点滴。

曾经佢仲想佢拍电影，已经接到过几个好钟意嘅电影，但系TVB唔肯放人，话冇期，所以佢只能一次又一次放飞机，飞机放多咗，自然冇人再稳佢。

所以离开TVB之后，去都冇接电影，而系嚟咗大陆拍电视剧，不过，佢都表示：嚟大陆唔单只薪酬高，而且轻松好多。

而呢次回巢又系咩原因？可能系TVB个市烂，学识咗真系老牌明星，亦或杜之克亲自出马，总之宣萱表示呢次无线好有诚意，倾咗5分钟就决定咗返嚟~！

话说大家应该都有留意到，一开始我就称宣萱姐姐“被绑架专业户”，相信真爱份都知道点解！

▲1996年 | 天地男儿

▲1996年 | 900重案追凶

▲1996年 | 虎胆虹威

▲1998年 | 天地豪情

▲1999年 | 刑事侦缉档案4

▲1999年 | 骗中传奇

▲2000年 | 雷霆第一关

▲2006年 | 赌场风云

▲2010年 | 掌上明珠

▲2012年 | 飞虎

大家估下喺宜家拍紧嘅新剧《不懂撒娇的女人》，宣萱姐姐又会唔会畀人绑架？

不过我最关心嘅都唔系呢个问题，希望宣萱姐姐可以早日稳到啱嘅人，然后嫁咗佢啦！

来源：佛山美食（ID：fsmshi）

自己友Tee「为食人生」系列

预售期间每件99元

落单即送自己友开饭卡！

（内含消费券100元）