唔知大家仲记唔记得曾经拍过港产卖座三级片《3D肉蒲团之极乐宝鉴》嘅雷凯欣。雷凯欣当年凭住36F上围，喺电影中一秒露点而成为佳话，被封“雷神”。不过有人质疑露点嗰个唔系佢，而系用剪接替身，被人话系“老点”。

但呢啲都系过去式，因为雷凯欣已经变咗一位贤妻喇！佢喺2012年挞著拥有近200架的士嘅车行太子爷陈智聪（Jack），自此绝迹娱乐圈，闲时同Jack周围旅行，坐私人飞机吃喝玩乐，生活写意。

为咗“洗底”，雷凯欣都刻意低调，平时喺社交网多数贴食物或环境相。点知㖊日郑希怡(Yumiko)竟然唔小心泄密，Yumiko近日一家三口去咗东京旅行，喺街上遇见雷凯欣都系一家三口，因为除咗Jack之外，佢仲揹住一个肥嘟嘟好得意嘅BB，面形圆碌碌，但样似雷凯欣多啲，相信系二人嘅爱情结晶品。据悉雷凯欣去年喺ig story贴咗一只巨型钻石戒指，当时好多人都送上祝福，但张相仅存24小时就冇咗。

Jack同Yumiko嘅老公Andy好老友，Andy结婚当日，Jack都系兄弟团之一；但现在各有家室，想约埋食餐饭都有啲难，贴相嘅Yumiko留言﹕“系香港都难见，日本先可以见到。”由于东京都几冻，雷凯欣都系着住厚衫，但就戴咗顶帽同扎孖辫，一副贤淑look，与昔日性感女神形象相差甚大。而雷凯欣随后都有喺ig贴大头相，但就得佢一个人，周子驹都惊讶留言﹕“终于见到样！”媒体问过Yumiko关于雷凯欣嘅事，佢就回复：“人哋嘢我唔讲咁多⋯ 希望明白。”

由于小程序“省钱密宝”更新版本，如果点击进不去，请在微信—发现—小程序那里删除，再搜索“省钱密宝”或者直接下面进入！！！成功下单还有返现哦！

顺手点击下方广告表示支持，谢谢！

点击阅读全文，进入TVB同步播放！！！