方力申（小方）出席慈善晚宴，表示会唱一首歌，而父母亦有到场，但细佬因工作忙而未能到场。他谓父母坐近台前：“所以唱歌时最近系对住他们，我都好耐冇唱歌，今次唱番都几特别，以前会多啲商演，但近年就少啲。”他亦谓现时多参与慈善活动，希望可以来取经，笑言：“想识多啲总理、有钱人。（想识番个有钱女？）冇谂，我系'外貌协会'，同埋唔会睇对方慨背景。”

小方又表示5月份会开游泳学校，荣升校长：“呢个系我入行以来第一个生意，希望可以回馈社会，唔系谂住赚大钱，因为身边成日好多人叫我介绍人教小朋友游水，与其畀人赚钱不如自己赚，又可以推广游水，培育精英，帮下啲低收入家庭，同埋做老板收钱好唔型。”不过他利申自己只是在旁的临时教练：“学游水要持之以恒，如果我要拍戏就好难教得识，但我都有去考嗰初级教练牌。”方力申讲笑话之后希望可以被叫“方校长”：“其实爸爸、妈妈都系做老师，可能全家都有做老师慨DNA。”