撰文： 冼燕珊

發佈日期：2018-02-03 20:47

鍾欣潼日前在網上晒巨鑽宣佈婚訊，轟動中港台，有不少祝福聲，亦有人不看好，作為佢好姊妹嘅蔡卓妍（阿Sa），今日親自回應阿嬌結婚一事，她話當時一聽到消息覺得非常激動：「我真係好開心，成晚都瞓唔著，諗返起我哋從十幾歲開始認識，一齊長大，到佢依家結婚，好感觸，諗諗吓啲眼淚就湧出嚟。」

好姊妹鍾欣潼結婚，阿Sa激動到瞓唔著。(梁碧玲攝)

大家都見到阿嬌這十年來過得唔容易，經歷幾段感情，可惜都無疾而終，與幸福擦身而過，阿Sa在她身旁見證著她一直開花沒結果，而今次阿嬌終於邁向下一站幸福，她當然比一般人更加百感交集。

阿嬌今次終於邁向下一站幸福，和她一起成長的阿Sa當然比一般人更加百感交集。(資料圖片/黃國立攝)

阿Sa今日一身軍裝，拍攝英皇網劇《PTU機動部隊》，她飾演林峯的上司，呢次對她來說，最大的挑戰是每朝凌晨四時起身，冒著嚴寒天氣開工：「每日都為自己可以起到身返工而鼓掌，完全唔夠時間休息，日日都拍到腰酸背痛。」當演員需要付出大量的精神體力，真係一啲都唔他條的！

阿Sa今日一身軍裝，拍攝網劇《PTU機動部隊》，最大的挑戰是每朝凌晨四時起身開工。(梁碧玲攝)

【相關報道】

林峯避談吳千語　加盟古天樂旗下有機會開拍《尋秦記》

撰文： 冼燕珊

發佈日期：2018-02-03 20:44

林峯今日同蔡卓妍(阿Sa)、方中信及譚耀文等，一身軍裝現身新蒲崗拍攝英皇網劇《PTU機動部隊》，終於回歸香港工作嘅阿峯，覺得跟在內地拍劇最大的分別是：「收工可以即刻返屋企。」睇嚟阿峯都係一個居家型嘅男人，佢仲話返到香港做嘢，見返啲熟悉嘅臉孔，覺得好有親切感。

林峯今日同蔡卓妍、方中信等一身軍裝現身新蒲崗拍攝英皇網劇《PTU機動部隊》。(梁碧玲攝)

唔知熟悉嘅臉孔包唔包括盛傳已經分手嘅「女朋友」吳千語呢？不過一提起千語個名，阿峯就話唔講感情事喇，而講到情人節點過，佢就大耍太極話新年同屋企一齊過，繼續避談千語。

林峯繼續避談吳千語。(梁碧玲攝)

咁講返佢嘅工作，阿峯最近加盟古天樂旗下，佢話可以同古仔合作好開心：「一入行就認識佢，識咗咁多年可以正式合作，一齊做嘢好開心。」其實外間一直盛傳古天樂會開拍《尋秦記》續集，依家古仔旗下有阿峯又有宣萱，成事嘅機會都唔細，而阿峯嘅回應其實都幾正面：「呢個就要問返古仔喇，等佢正式同大家公佈。」

現在古天樂旗下有阿峯又有宣萱，會否開拍《尋秦記》續集，阿峯就話等古仔公佈喇。（網上圖片）