唔排除做情侣！唐文龙：杨柳青几好

艺人唐文龙与林建明（大姐明）出席电台活动，并与众节目主角大游电单车河兼街头派咖啡，场面热闹。文龙被指与杨柳青拍拖，他表示彼此是好朋友，更谓：「呢排制作紧关于咏春嘅节目，所以叫佢上去啫，大家有食饭同饮咖啡。（有冇追佢？）觉得佢几好，但朋友关系、做好自己嘢先。（唔排除变情侣？）天下嘅女性都唔排除。」

有意客串

身为该节目粉丝的文龙及大姐明，对获邀任嘉宾感荣幸，更同声表示有意客串参演，大姐明透露曾以嘉宾身份客串过，惟当时编剧以手写稿给她，因看不清楚内容以致表现麻麻，故望稍后能再有机会参与。至于演出该节目50年的金刚（周老板），则笑指要看身体状况及老板喜欢与否，再决定会否继续演出。监制冯志丰就透露节目50周年活动除了会派咖啡，稍后还会推出纪念邮票。

吓窒网民！梁洛施激瘦现火柴臂

宣布复出的梁洛施最近活跃于社交网，不时分享个人生活。她密密做运动操弗，早前上载一张穿背心上阵的运动照，手臂极为纤幼，网民都担心她忙住凑仔而激瘦！此外，她昨日上载多张为一对孖仔庆生的照片，见她悉心筹备派对，准备了四个公仔造型蛋糕。

囡囡「哈蜜瓜」刚满一岁 57岁哈林11月再做老窦

本月28日满57岁嘅台湾艺人庾澄庆（哈林），果然有心有力，16年同43岁嘅女主播张嘉欣结婚，囡囡「哈蜜瓜」去年6月先出世，刚满一岁，今日有台湾周刊就爆话哈林将于今年11月再做老窦喇！

今日有台湾周刊报道指，指上月底影到哈林同老婆张嘉欣，十指紧扣咁出街，但见到张嘉欣腹部微隆，据知张嘉欣已经怀孕5个月，预产期约在11月，庾家上下都好开心，尤其系庾妈妈就特别兴奋，因为佢又可以享受弄孙之乐。报道指，哈林同张嘉欣并未有计划咁快再生BB，因为张嘉欣闪嫁哈林后怀孕，佢本身主播一职都系停薪留职，目前仍未复工，但又再度怀孕，有指佢呢两年都损失百万台币，而哈林为咗照顾老婆，近年亦推咗唔少跨年活动同商演，损失逾亿新台币。

做综艺节目献墨宝 Baby写字被嘲似小学生

近年喺大陆密密接综艺节目嘅Baby，虽然生咗小海绵，但工作一路冇停过，早排又接咗湖南卫视综艺节目《向往的生活2》，仲完成所有录像工作添，最近节目就公开咗几位明星嘉宾嘅亲笔字，Baby嘅字迹呢...歪歪斜斜又潦草，基本上小学生啲字仲好过佢写嘅！

Baby喺字条上面写：「雨里鸡鸣一两家，竹溪村路板桥斜，来到这样一个地方，还有世界级的小提琴，还有世界级的红烧肉，心里就两字『满足』，谢谢，向往的生活！」头两句就引用咗唐朝诗人王建嘅《雨过山村》诗词，不过啲字体就真系好唔衬句诗，连网民都笑佢写啲字肉酸，但就赞台湾艺人鬼鬼（吴映洁）系咁多个嘉宾之中写得最靓嘅一个。

忘年恋玩完！谢贤自爆同32岁女友Coco甩拖

谢贤昨天出席晚宴，透露以往经常吃两、三头鲍鱼，亦有下厨给儿子霆锋，笑指现时被对方偷取厨艺，问到近排是否少见儿子？他搞笑谓：「佢连记者都抢晒我！（指抢他风头）！」问霆锋有没有再买楼给他？他说：「佢费事我走嚟走去，唔紧要，层楼迟早都系佢。（买多层畀你收租？）我都冇钱要使，年纪大好少用钱，好少浪费佢钱！（觉得佢做嘢辛苦，唔想使佢钱？）唔理佢辛苦啦！我以前搵钱唔辛苦。」

非常痛锡两个孙仔的他，表示现时每两星期会见一次，足令他感心甜，问到「新袍仔」王菲可有探望他？他谓：「呢啲系个仔私事，我梗系想佢开心做人啦！」一直有传他和上海女友CoCo分手，谈及现时生活，他直认已甩拖：「我就冇拖拍，一个人住一间屋，起身对住个海，乜都一个人好枯燥，有少少嘢做我开心啲，依家似坐监咁，好似《12道锋味》叫我出吓镜，收番两个钱使吓！」

谢贤不讳言若有旅游节目邀请他演出也不介意，问到若与曾被他掌掴的曾江合作又如何？他即语出惊人谓：「黐线，不知几friend，嗰时做戏啫！真到不得了！(眼镜飞晒出嚟喎！）佢专登做，老戏骨，用手指揿住副眼镜，嗰时问晒我哋四个，叫胡枫做，佢讲唔好咁样，鬼听佢咩，最后我去做，摆我上枱，我冇所谓，醒佢一巴几过瘾，点知后来个个指住我闹，几阴公。」更指曾江被掴当日，佢有请对方食雪榚，畀佢冻番块面。

欢迎分享至朋友圈

☞转载授权微信：lama129

☞ 商务QQ：1900556960

香港娱乐八卦

尽在HKChannel