车婉婉最近喺剧集《是咁的，法官阁下》入面饰演霸气果断嘅法官，但现实中嘅佢就系一位温柔嘅好妈妈，呢日佢喺社交网上载几张同囝囝BBQ去公园玩嘅相，相中嘅BBQ着住件白色小背心，玩到成头大汗，真系好可爱！但就难为妈咪陪佢放电放到冇晒电，婉婉留言话：“高龄日志之你放电所以我冇电，周日，BBQ先生08起床，梳洗过后吃过早饭都是0930⋯ 吃货BBQ强烈表示他已经入满油，完全需要马上放电 一到Playground，BBQ尤如电兔，不停跑、爬、跳⋯历时两个多小时，我就追住佢两个多小时，佢同我都全身湿透，怕佢吸番啲汗入去会唔舒服，即刻返去同佢一齐冲凉⋯ 冲完凉，都系1200，先至过咗半日，晏都未食，Q MaMa已经感到十分疲累，仲有大半日呀⋯ 有冇放电助理介绍？包保可以减肥！”婉婉仲大呻好眼瞓，睇嚟BBQ真系精力旺盛喎！