马国明、吴岱融及商天娥为无綫新剧《BB大晒》开工。剧中，马国明和吴岱融演不和父子，场口讲到两人在医院门外争执推撞，上演一幕仔打老窦，马国明更爆粗：“你个X街！你仲有面嚟？”推撞间又将生果篮散落一地，吴岱融又自掴认衰，可惜马明仍怒火中烧向老窦挥拳，二人七情上面，相当入戏！

赞马国明好人

开工就拍父子冲突场面，马国明指剧中两人关系恶劣，全因对方搞砸他人生很多大事，令演母亲的商天娥肝肠寸断。被打的吴岱融笑言：“佢咁大只，畀佢窝一拳都几系嘢。”两人虽是首度合作，但私下就经常踢波，问到踢波时可有冲突？吴岱融说：“冇，佢系踢前锋，负责进攻。我就系后防，佢踢波都好认真㗎。（有冇爆粗先？）冇，我同佢都系斯文人，好有礼貌，全行都知马国明系好人。”

同商天娥有床戏

至于商天娥笑言第一日开工便是儿子马国明拍“床戏”，搞到她流口水：“嗰幕系讲我哋两母子瞓喺床到，仲要拖住手，开头话系揽住佢，后尾都系望住个天花拖手好啲，冇谂过相隔6年返嚟拍剧就有呢场戏。”问到个心可有卜卜跳？马国明抢答：“我有呀，床戏当然会卜卜跳。”商天娥笑谓：“想当年我喺化妆间都好多人撩，边有咁容易令我卜卜跳。”