小仪今日生日，寻晚好拍档森美就搵埋古巨基同几个朋友为佢庆祝，见森美摆咗两张合照，相入面佢、小仪同基仔齐齐做出托头瘦面甫士，畀网友笑佢哋系咪齐齐牙痛呀！而基仔分享嘅相入面就有张大合照，见到古太都有出席，佢仲搞笑地帮老婆托腮，“手动”帮佢P成V面！网友见到都话佢哋喺小仪生日放闪，抢晒寿星女风头。而因为基仔出名手汗劲，仲有网友搞笑话影完呢张相，古太块面应该湿晒喇！