提到黄子华，大家第一反应应该都系栋笃笑，第二就系《男亲女爱》《栋笃神探》呢啲主演电视剧。

黄子华系栋笃笑嘅始祖，以风趣幽默嘅风格针砭时弊，论古讽今，佢嘅栋笃笑几乎场场爆满，而佢嘅电视剧质量都唔错，一部创造收视神话嘅《男亲女爱》足以称得上港式情景剧嘅巅峰之作。

不过，黄子华被称为“票房毒药”，因为佢主演嘅电影几乎都系票房仆街，口碑一般，好难同佢栋笃笑成就相提并论。

我睇咗黄子华主演嘅其中一部电影——《一蚊鸡保镖》。

睇完之后我都不得不承认一点，呢部电影再搞笑，但系依然系部失败嘅电影。

今日，我哋就嚟倾下《一蚊鸡保镖》。

《一蚊鸡保镖》系一部发展颇为缓慢嘅电影，睇前20分钟，都未真正讲到主线，令人分分钟都想弃剧，不过过咗20分钟，就会开始渐入佳境。

黄子华喺入边饰演一个家住屯门嘅香港废青帮帮，

细个嘅时候出过意外，佢非常惊搭车，令到佢从细到大一直留喺屯门，对外面嘅世界充满恐惧。

帮帮每日都游手好闲、不务正业，但系佢又有无限嘅创意，谂出啲无厘头嘅“发达妙计”，希望可以搵打钱，创一番事业。

后来，屯门出现色魔，帮帮有一次无意之中发现色魔喺度侮辱少女，佢大嗌“救命”而无意之中吓退色魔。

由此佢谂到一条搵钱路数，充当屯门女性嘅保镖，护送佢哋返屋企，每次收取少少钱，呢个就系剧名“一蚊鸡保镖”嘅由来。

帮帮搵到咗一班人，喺佢手下做保镖搵钱，包括一个屋企贫苦嘅半块面靓女士碌架（郭羡妮 饰），

一个人妖装扮、起个名叫木村、有一堆女朋友嘅男仔——

一个成日抱住狗公仔、一言不合就吟诗作对嘅奇怪大叔——

仲有一个武功高强但系非常惊老窦嘅gay佬——

一群奇形怪状、三尖八角嘅人就咁聚埋一齐，喺屯门做保镖，一开始本身系为咗保护女性，后来由于色狼畀人拉咗，佢哋开始奇奇怪怪嘅任务。

情侣分手嘅时候，佢哋保护男方！

老公偷食，惊自己老婆喺瞓觉嘅时候怼死自己，佢哋就保护偷食嘅老公，可以安枕无忧咁瞓觉。

保护gay佬，令佢可以同自己老窦坦白自己嘅性取向！

呢部电影所描述嘅系帮帮嘅成长故事，一个吊儿郎当嘅废柴，同一班奇葩一齐完全一啲无厘头嘅保镖任务，慢慢收获友情、收获爱情，到最后甚至克服自己多年嘅心理障碍，行出屯门。

帮帮，其实正正就系黄子华本人嘅一个缩影。

黄子华嘅童年并唔幸福，出身于破碎家庭，母亲带住佢返头嫁，佢有同父、异父嘅兄弟姐妹，家庭成分复杂，自细又辗转各地生活，佢嘅童年并唔安稳。

后来黄子华入演艺圈，初时嘅作品都反响平平，一直到佢开始做栋笃笑，一炮而红，令到佢收获成功、收获人气，得以继续立足于演艺界。

 经历大小风雨都未放弃，有过个人挣扎依然坚持，最后搵到自己嘅梦想，踏上自己想行嘅路，呢个既系帮帮嘅经历，又系黄子华嘅写照。

《一蚊鸡保镖》嘅构思并唔差，本身嘅亮点都唔少。

首先肯定系黄子华本身嘅魅力，黄子华优秀嘅台词功底同喜剧表演贯穿全程，电影之中有段经典搞笑嘅台词，劝啲女仔请保镖——

粤语急口令式对白，就好有黄子华栋笃笑嘅味道。

而佢哋完成嘅保镖任务，其实都系啲星斗市民嘅烦恼（分手、出轨、出柜），而每嘅段落单攞出嚟睇，都有可圈可点嘅地方。

Gay佬向老窦坦白自己嘅性取向，帮帮同佢老窦决斗嘅剧情就好好笑。

老窦由黄秋生扮演，短短几场戏，黄秋生就将一个古板专制又不失幽默感嘅老窦演到入木三分。

但系毕竟电影唔同于栋笃笑，几个精彩嘅段落串联一齐，唔等于系一部出色电影。

一部电影嘅成功，需要睇剧本、演员、画面、道具等多方面。

而《一蚊鸡保镖》问题在于，佢嘅风格更加似一台栋笃笑，而唔系一部电影，就算黄子华一个人嘅表演再好，台词再精辟都冇办法力挽狂澜。

成部电影故事打磨唔够自然顺接，电影节奏把握唔好，主题又唔够清晰突出，令到观众好难代入沉浸其中，换句话讲，就系——

斋睇其中一段我会觉得唔错，但系要我安安静静坐喺度，用一个半钟认真睇完成部电影就好难。

黄子华嘅搞笑，往往植根于日常生活细节，用搞怪贱萌嘅表演令你开怀大笑，欢笑之后慢慢发现背后嘅现实，最后只剩返唏嘘同反思。

黄子华呢部电影，或者都系想通过平淡现实嘅剧情，配上夸张嘅表演，同观众讲述好多佢嘅个人思想，可惜由于剧本缺陷、剪辑不佳等问题，最后并冇达到预期效果。

《一蚊鸡保镖》系有亮点，而佢身上嘅平庸都系事实，如果你中意黄子华嘅栋笃笑，呢部电影都系你唔错嘅消遣选择。

P.S 想睇就去B站啦，有粤语版

本文看点由羊城网原创

特此声明