细数2017TVB印象深刻萤幕情侣 边Pair你最钟意?

细数2017TVB印象深刻萤幕情侣 边Pair你最钟意?

港剧大全 港台男星 2018-01-18 23:59:46 622


细数上年无线印象深刻萤幕情侣 边Pair你最钟意?



无线剧集题材无论系悬疑、科幻、校园定系家庭,点都会有感情线。咁上年无线咁多套剧集中又有边对情侣令你最印象深刻呢?



《亲亲我好妈》Venus & Hayden(江嘉敏&何广沛)



江嘉敏同何广沛呢一对除咗男嘅靓仔、女嘅清纯可爱,外型非常匹配之外, 佢哋最令观众有共鸣嘅地方就系佢哋令大家回忆起“那些年”初恋独有嘅青涩感觉。呢条感情线唤醒咗唔少观众深处嘅回忆,仲话希望佢哋可以有一个美好嘅结局。



《超时空男臣》汪以珊 & 冯一波(王君馨&曹永廉)



《超时空男臣》呢套剧集咁受欢迎除咗剧情搞笑之外,佢哋当中嘅三对情侣亦非常抢眼。冯一波同太子妃呢对搞笑得嚟又有火花,男方饱读诗书、正人君子、又聪明能干,而且无论女方系太子妃定系刁蛮嘅明星Sandy,佢都服侍周到、任劳任怨、感情专一,完全中晒各位女士心目中嘅完美男友形象!



《超时空男臣》李小冬 & 二小姐(何广沛&朱晨丽)



李小冬同二小姐呢一对恋人一定系剧中最瞩目嘅一对,因为佢哋剧中嘅互动非常有趣。二小姐除咗要小冬叫佢做“BB”非常搞笑之外,仲要佢帮佢揼骨、又霸气认“小冬系我条仔”等等,而单纯可爱嘅小冬太监亦非常听话,好有“我的野蛮女友”嘅影子。虽然小冬系太监,不过佢哋谱出一段纯过蒸馏水嘅爱情。



《赌城群英会》潇洒 & 小北(何浩文&高海宁)



喺剧中佢哋由斗气冤家发展成情侣关系,可惜潇洒为咗入屠家做卧底,忍辱负重扮变节兼同小北分手。分手后佢哋仍然深爱对方,但系潇洒为与收集屠家嘅犯罪证据而与屠若兰(麦明诗饰)结婚。小北唔知道潇洒嘅计划,仲以为潇洒想逃婚同返佢一齐,点知小北惨被屠城(刘兆铭饰)嘅手下推落楼惨死。潇洒知道之后大受打击,不过仍然要扮到若无其事。可惜潇洒去到最后都系被屠城手下伏击至重伤死亡。



《同盟》高子杰 & 阮清欣 (陈展鹏&胡定欣)



高子杰及阮清欣呢一对就一定系最合拍嘅情侣,首先男嘅有六旧腹肌加靓股、女嘅就有人鱼线、再加长腿,外型已经衬到绝。虽然佢哋两个起初都系以老土嘅朝夕相对、互相整蛊嘅欢喜冤家而开始,不过后来佢哋两人经常一齐对付坏人,打到飞起,真系少啲默契都唔得。



《同盟》Kent & Kate(陈山聪&姚子羚)



呢段恋情一开始到结尾都非常轰烈,无论对方边个有事都好,佢哋两人都会抱着为对方牺牲嘅精神去拯救对方。而且佢哋两人一齐对付坏人嘅时候亦同样默契十足,完全系最佳拍档。佢哋喺剧中亦有多场亲热戏,就连搭升降机都可以激吻、锡到外套都除埋,睇到一班观众话想做陈山聪。



《不懂撒娇的女人》Saving & Cherry (王浩信&唐诗咏)



Saving同Cherry呢一对恋人道出咗唔少现代香港男士同女士嘅心声,男方努力工作希望可以储钱买楼、女方就希望自己变盛女之前嫁得出。虽然男方最后终于解开心结,肯同Cherry结婚,不过可惜佢哋2年后重遇,Cherry已经戴着订婚戒指,仲send ICQ俾Saving话自己如愿喺35岁结婚,唔驶嫁佢呢位“初恋男友”咁话。而Saving等足两年,当然既无奈又伤心啦,同时亦睇到一班观众心都痛埋。虽然剧集最后播出补拍片段,话佢哋喺楼梯重遇,Cherry执起Saving跌出嘅定情10蚊,手上亦冇婚戒,不过已经无补于事,亦为呢段恋情添上遗憾美。



《不懂撒娇的女人》Gordon & Mall姐(林文龙&宣萱)



Gordon同Mall姐喺剧中斗足十几集,之后终于等到林文龙一句“请你管住我!”令到两人终于走埋一齐。虽然有嗲精高海宁嘅出现,不过Mall姐亦以个人魅力取胜,为一班唔钟意嗲嘅硬朗型女士吐气扬眉。不过当中林文龙为咗博取女方信任而加入宣萱嘅指纹锁,俾佢“手机任check”就可能令到到一班男士睇得一额汗,肯定印像深刻啦!



《爱·回家之开心速递》博士 & Mandy(马贯东&谢芷伦)



博士同Mandy嘅爱情故事非常曲折,起初博士心系若水(吕慧仪饰),不过Mandy冇放弃,不停用扮拍拖呢个借口去接近男方 ,最终成功打动博士,去到后来博士仲话希望同Mandy正式开始拍拖,一班观众亦非常兴奋同激动,亦非常睇好佢哋。有观众仲话如果编剧拆散佢哋就会罢睇,可见观众嘅投入佢哋呢段恋情!


《夸世代》Mike & Paris(陈豪&李佳芯)



啱啱播完嘅《夸世代》一班观众都不断话Ali又可爱又靓,不过其实佢同Mike嘅一段恋情亦都Sweet到漏!两人虽然最初由毫无感情嘅契约夫妻开始,不过后来二人日久生情。而其中一幕Paris工作咗10几个钟之后仍然恰住眼瞓都要继续打扫令到Mike非常感动,随即抱起佢返房,好多网民都大赞好sweet。到后来Mike为咗救Paris条命,甚至交换灵魂替佢生仔,呢啲咪叫伟大嘅爱情囉!


---------------------------------

商务合作QQ:2063871309 

最新最快最全:关注订阅号tvbdrama回复你想要的

(长按下图识别二维码即可轻松关注)

取消

感谢您的支持鼓励,我会继续努力的!

文章地址:

用户邮箱:

打赏金额:USDT

点击”去打赏“,即可进行打赏支持本文章哦

发表评论