卫诗雅约出海陈家乐放飞机-港剧大全-八卦帝

卫诗雅约出海　陈家乐放飞机

影星陈家乐到荃湾出席活动，获粉丝到场打气。今个夏天流行Wakesurf（无绳滑水），家乐透露最近有与卫诗雅出海：“见网上好多人玩，好正！其实卫诗雅已约过我几次，都被我放飞机，佢一直好想展露佢身手，点知我玩几个钟已叻过佢！（做水上活动男神？）我10年前沈迷过一排Wakeboard（水上滑板），所以好快上手，都叫做冇荒废到。（唔似其他人咁甫相？系咪惜肉如金？）迟啲先，等我哋剪接吓，想可以靓啲！”

家乐透露有为环保宣传片担任男主角，直言自己近年亦有关注环保问题：“细个嗰阵环保意识就差啲，只识得蓝废纸、黄铝罐、啡胶樽！依家自己都喺生活上着手，尽量做到唔浪费食物，会食晒枱面啲嘢。（唔怕影响身形？）所以我定咗规矩，两个人只可以叫三个餸。（但你得一个人㖞！）我仲有屋企人嘛。”

陈家乐放卫诗雅飞机。