薛凯琪推BB车行公园 升呢做“阿妈”

社交网站除咗喺一班星妈晒囝囡嘅好平台之外，更系明星晒宠物嘅地方，事关每日都会有人分享同自己“心肝”嘅合照！之前歌手郑融接受电台访问时，提到虽然佢首歌《Diamond Cat》讲述猫，但佢自己本身就冇养，同时又透露好友薛凯琪（Fiona）系爱猫之人！今次真系有证有据唔到你唔信，因为Fiona呢日衬自己有空档所以去咗熘猫，仲推住架BB车陪两只猫猫去咗花园玩！相中Fiona一时抱实只猫猫、一时情深款款望实，流露出妈妈望仔女嘅眼神，佢仲自称妈妈留言：“Walk my cats with mom day ! ”另外，“好妈妈”内地代表就有黄晓明嘅内地女星旧爱李菲儿，唔知系咪大家都钟意猫嘅关系，佢哋两位影相嘅特征都系合眼面贴住只猫猫，李菲儿亦留言话：“戏里我的小跟班，准备带回家了，三只狗加一只猫会是怎样的情景呢？”见住李菲儿同猫猫咁多亲昵举动，网民笑言：“真系好想做只猫啊！”

闲暇之余-看看文章，还能赚点小钱 点击阅读原文进入赚钱