艺人钟嘉欣早前宣布怀上第二胎，将会为女儿Kelly添个弟弟或妹妹，组成一家四口幸福家庭。虽然大肚的嘉欣已经好少会出席公开活动，但佢不时都会喺社交网po靓相，同大家交代生活近况。

呢日嘉欣又派福利，见到佢上载三张靓相，身穿华丽露肩短裙，依然美艳动人，其中两张相仲摆埋诱人甫士，大骚白滑肌肤及修长美腿，点解会有大肚婆咁索㗎？

夏威夷度假

钟嘉欣早前喺社交网上载靓相，相中可见大紧肚的嘉欣依然靓靓，睇落完全唔似有咗，不单身形依然纤瘦，就连招牌瓜子脸亦都喺度，水肿情况全无，真系羡慕死人！一面幸福笑容嘅嘉欣同三个写有「LOVE」字样嘅气球合照，不过都唔及佢条低胸波点裙吸睛！

 早前愚人节，嘉欣妈妈冇整蛊大家，反而继续喺网上派福利！今日佢上载一张身穿红色三点式泳衣嘅沙滩玩乐照，抱住囡囡Kelly，两母女笑得非常灿烂。相中亦见到陀住B嘅嘉欣肚子凸凸，不过整体身形仲系好弗，依然性感诱人！唔知嘉欣系咪会keep住分享靓相俾大家睇呢？