郭富城（城城）今日孖住老婆方媛恩爱现身马场，而其爱驹「舞士精神」更第一次出赛即跑第一，风头认真一时无两。讲到爱驹跑第一，城城表示赛前以平常心面对，因为自己养过两匹马，好明白赛事有好多变数，并指自己初初见到爱驹时已经好钟意，好开心能够击败其他有经验嘅对手。

当问到老婆及「仔」女撑场脚头好时，佢风骚表示：「系呀，太太同小朋友都有嚟，头先喺上面都玩得好开心，囡囡见到啲朋友都好活跃。（咁旺你会唔会带多啲佢嚟？）等佢再大少少先啦，不过我将来都可能会带佢学策骑。（有冇带佢去喂马？）未呀，之前都好忙，未有时间。」

佢又续指好多谢身边朋友咁支持「舞士精神」，笑言自己赛前没有太大信心，所以都冇落重注，并指将会同屋企人食饭庆祝。至于讲到嚟紧嘅演唱会，佢透露：「今晚我就要出发去大陆，后日就系巡回演唱会。（天气咁冻有冇做足保暖措施？）其实武汉、南京嗰几场都好冻，所以一路都有保护好自己。」

不过现场有位马迷大叫城城做「Leon」，又问可唔可以影张相，而城城就好有礼貌咁答佢：「我系Aaron。」除太太外，城城今日亦带埋囡囡入场，但佢只系拖住方媛入场，囡囡则由佣人抱住。

▽长按图片测试▽

- END -