林子祥（Lam）《佐治地球40年演唱会》日前喺红馆开锣，Lam嘅母亲、好友朱玲玲等均有捧场；Lam嘅太太叶倩文（沙丽）及儿子林德信（Alex）则担任表演嘉宾。

▲座上客朱玲玲

演唱会准时开骚，设置大型欧陆式花园别墅嘅舞台以三面台设计，Lam于别墅中门登场，双手向观众送飞吻，之后佢走近台下同母亲拥抱并献唱《Que Sera Sera》，唱毕后佢笑言唔知妈妈银包里到底放咗乜嘢贵重物品？无论任何时候都钟意攞住佢；另外又播出该曲原唱Doris Day嘅照片，指妈妈同对方很相像。

▲Lam揽住阿妈唱歌

▲太太叶倩文与Lam同台合唱

▲一连4场演唱会气氛热烈

当晚最大嘅唔同，就係Lam打破惯例，唱完第一首歌后口若悬河，感谢大家冒雨嚟陪佢度过呢四十周年，并谓一直好想兴建一间喺舞台上嘅大宅，笑言开骚后会整座搬返去住。期间佢仲感谢胞弟林子辉同乐队成员，及播出爸爸林达志医生嘅照片，直言好多路人都话係由爸爸帮佢哋接生。

▲Lam爸爸林达志医生的照片

跟住Lam分享故事，表示早前喺街上有位靓女跟住佢，本以为靓女嘅妈妈係自己粉丝，点知靓女话好喜欢佢D老饼歌。但当佢走到观众席唱《最爱最谁》嘅时候，因谂起亡友梅艳芳（阿梅），Lam就忍唔住硬咽抹泪，一边唱一边哭。

▲Lam唱《最爱是谁》时忆起亡友梅艳芳

唱到《鸦乌婆》时，Lam就同之前喺《Sunday靓声王》嘅观众婆婆对唱和跳舞。

▲Lam与之前电视节台上跟他拍和的婆婆