古巨基告别2年“看更”生活:带孩子比开演唱会辛苦!

古巨基告别2年“看更”生活:带孩子比开演唱会辛苦!

看港剧 港台男星 2021-12-10 10:31:56 485


“情歌王”古巨基即将回归乐坛,并定下连串工作,明年推出新专辑!谈到囝囝Kuson,基仔即笑逐颜开,指囝囝遗传了他的音乐细胞,他计划两父子一齐报读亲子跳舞班,将自己的舞蹈潜能发掘出来。他又直言“奶爸”职责似开足2年骚咁“甘”,搞到腰患复发,但他誓不罢工!


基仔近两年为照顾儿子Kuson和疫情关系而全面闭关,直至上月中才“复工”,为慈山寺举行的音乐会演出,并唱出多首经典金曲,不少乐迷都期待他尽快回归乐坛。日前基仔接受访问时终公布喜讯,直言已定下连串工作大计,新专辑亦铁定明年推出!


重投工作岗位,他直言舍不得“全职爸爸”身份,要慢慢调节:“唔可以再吊住个心,Kuson都需要调节,唔可以永远糖黐豆咁黏住我哋。”最近他安排囝囝返Playgroup,囝囝由最初紧张得不敢走近同学堆,到现时放学会跟同学仔畀“Five”及揽揽,甚至返到屋企仍将“陈老师”挂在口边,基仔说:“我唔可以畀佢太黐身,佢要Open学习吓成长,开始接触其他人。”

攰爆!好似日日开骚

谈及两年“奶爸”生活,基仔直言攰过返工:“你幻想日日开演唱会嘅体力系点!尤其佢依家大咗周围走,我要跟到实,时常弯住条腰的住佢走,以前条腰受过伤,久唔久腰酸背痛。”口说辛苦,实质却很享受这种体力消耗,因囝囝是他的最大能量,每个相处时刻都很珍贵。


基仔又指囝囝遗传了他的音乐细胞:“佢好锺意音乐,亦好锺意跳舞,每日定时听歌同睇儿歌MV,睇到眼定定,跟住就会企喺度跳。我发觉佢对音乐好敏锐,天生就想跳舞,我谂过等佢大个啲,就一齐报亲子跳舞班,我上网睇过片,一齐排一只舞。”又笑言自己可能隐藏了舞蹈细胞,有待发掘。问将来可想做“星爸”捧囝囝做歌手?基仔觉得不用“子承父业”,让囝囝自由选择:“我系过来人,能够选择自己锺意嘅兴趣,再成为工作,系好幸福嘅事。”

扮恶!从不打手板

为了照顾囝囝,基仔甘愿挨更抵夜,他形容自己是“夜班看更”:“冇假放、冇得辞工,我亦唔会想辞、想放假,真系㗎!”虽然锡Kuson锡到燶,但他绝不做怪兽爸爸,从未打过手板,亦不会咆哮式闹仔:“两公婆里面我系做坏人,虽然喺佢眼中唔会坏得去边,因为我哋系一面镜,你对小朋友做啲乜,佢第时会对人哋做番,所以佢曳嘅时候,我会即刻板起块面同佢讲,如果唔听,我就整个恶样,哪怕系打手板都唔会,呢个系我底线,唔想畀佢以为教人就系去打人,我只系清晰畀佢知道应该同唔应该,唔会纵佢。”


基仔之前忙凑B,已2年没有公开受访,今次为撑英皇旗舰戏院进驻铜锣湾时代广场才露面,他笑说:“啱啱影相唔知点咁,望镜头笑都硬硬哋,好耐冇访问倾偈,平时都系同个仔讲BB话。”置身戏院内,他勾起昔日做带位员的回忆。18岁入训练班前,他曾在沙田一间戏院工作,笑说:“嗰时冇乜钱,谂住做带位可以顺便睇戏,点知原来好忙,要喺门口搣飞、分飞,又要巡视有冇人偷拍或吸烟,仲要整爆谷。初头为咗睇戏而做,但真系唔好咁天真,睇戏就买飞入场!”

取消

感谢您的支持鼓励,我会继续努力的!

文章地址:

用户邮箱:

打赏金额:USDT

点击”去打赏“,即可进行打赏支持本文章哦

发表评论