热血成长类系永恒嘅热门剧集题材，其中一部系TVB于1998首播，至今仍为人津津乐道嘅《烈火雄心》。

呢部剧成功令饰演骆天佑嘅王喜，成为比消防员更消防员嘅演员。

《烈火雄心》主题曲

▼▼▼

剧中骆天佑同司徒拔（郑敬基饰）及吴大兴（钱嘉乐饰）嘅「南山三虎」亦系友情中嘅经典代表词。

《烈火雄心》由王喜、钱嘉乐、郑敬基、关咏荷、古天乐同梁琤等领衔主演，以一群肩负起救火使命嘅消防员作故事骨干，表扬佢哋舍己为人嘅精神。

此剧可以话系香港最成功嘅消防员剧集，佢唔单止成功还原咗消防员嘅训练及工作环境。而且喺唔同嘅火灾剧情中，渗入咗防火及救生知识。

朋友圈中嘅「南山三虎」

「南山三虎」系每一个朋友圈嘅缩影，你嘅朋友当中一定有位好似骆天佑，自小好有抱负及能力，系团队嘅核心及可靠人物。

佢对生命充满热诚，每日以100%力量去生活。无论遇到任何困难，骆天佑总系以其乐观、积极及坚强嘅心态去面对。

正因如此，佢先至会成为朋友圈中不折不扣嘅大佬。

朋友当中都会有一位吴大兴，义气大过天。记忆中佢对做消防员兴趣唔大，但为咗同兄弟喺一起，佢仍努力接受训练。

「一日系兄弟，一世都系兄弟」是佢嘅座右铭，佢为咗救兄弟，可以迎娶唔钟意嘅飞凤。

虽然话唔钟意，但作为真男人嘅大兴，仲系会保护妻子，最后二人过住幸福嘅婚姻生活。

朋友当中亦会有一位司徒拔，总系浑浑噩噩，万事都需要帮忙。佢唔想努力，妄想一朝成功，希望用捷径去达到目的。

喺朋友圈中，佢好似总系被比下去，好似永远都唔够人哋好。通常呢类朋友会因比较及自卑心作崇而渐渐离开朋友圈。

友情嘅真谛，热血嘅标志

「南山三虎」话俾大家知，朋友间系需要互相支持鼓励，有错要出言指正。但当对方有事，枪口必然对外。

就好似司徒拔走上歪路，可劝嘅，可闹嘅，天佑同大兴都会做。收到佢留言后发现唔妥，会第一时间发癫咁去搵对方。

司徒拔走咗之后，天佑同大兴比佢屋企人更伤心，甚至打算收养佢个仔。咁亦话俾大家知，能共患难嘅，先至系真正嘅朋友。

「南山三虎」亦系热血嘅标志，佢哋三个都系出身于屋邨，同好多人一样平凡。三虎只系凭住梦想同勇气，克服重重难关，最终活出不一样嘅色彩。

或者好多人都曾经满怀梦想同勇气嘅一群，但后嚟被现实社会磨蚀得所剩无几。

所以，有时间不妨再睇一次《烈火雄心》，唤醒心目中嘅「南山三虎」。

金句王

微信号：jinjuking

睇金句王，爽过去爆房！
每日发布粤港澳第一手开心嘢！
粤语 | 爆笑 | 搞嘢 | 吹水 | 抵死 | 顶瘾

欢迎搭讪 投稿都啱 合作更赞 小编微信: KingKingGuy