早前因为频繁揸胡鸿钧姐姐嘅跑车出行

蔡思贝被大家“默认”为胡鸿钧嘅“女朋友”

而胡鸿钧自己亦对此冇正面否认

仲处处为“女友”发声，维护佢声誉

喺胡鸿钧呢场“处男秀”，

蔡思贝唔避嫌，

好似女主人家咁连踩两场

仲带埋自己爹地妈咪来捧场

实行借睇show之名行“见家长”之实

大家应该仲记得

月中嘅“万千星辉贺台庆”入场时

蔡思贝挽手黄浩信走红地毯

已经引发全网关注

特别係佢趾高气扬个样

令到大家觉得佢摆明“搞事情”

之前都有传，

话蔡思贝同胡鸿钧一直冇公开认爱

係因为蔡已经同富商挞着

出入有豪车接送仲有名牌手袋装身

而该“富商”仲係“洗米华”嘅拍档添

最近“洗米华”被逮捕

蔡思贝即刻翻挞胡鸿钧？

见到佢喺后台影相，

同胡鸿钧揽身揽世冇避忌

想唔俾翻个“最佳女主角”佢都唔得

马明同胡鸿钧喺《降魔的》结缘

“石敢当”开唱佢就实嚟捧场

马国明认爱“靓汤”汤洛雯后

全世界都想知（在催）

佢哋几时“拉埋天窗”

媒体问到“靓汤”究竟几时可以结婚

佢都大方表示自己係以结婚为前提拍拖

有人仲搞事情，

问佢：会唔会忍唔住自己求婚先

佢就话：如果timing啱，唔介意自己嚟

之前Color同罗子溢倾计嘅时候

都有八卦过：有冇催下马明进度？

罗就话：

佢咁大个人自己识谂，

开心最紧要

呢啲咪典型嘅

皇帝吾急太监急呢？

陈滢同方力申嘅绯闻

之前传到沸沸扬扬

陈滢仲曾经喺节目上

脱自己只戒指俾小方

示意佢可以现场“求婚”

两人玩玩下咁饮埋“交杯酒”！

胡鸿钧开唱

两人分别以好友身份前后脚入场

连坐位都专登用“第三者”隔开避嫌

后来有人邀请两人合影

陈滢仲吓到即刻弯低身走佬

小方想拉都拉唔住

最后只好一支公尴尬出镜

睇完台下八卦

大家都係睇睇台上节目啦~

胡鸿钧对自己嘅“处男秀”好认真

每个造型都精心设计过

黑色“婚纱”神秘又禁欲

火红爆肌衫就层次感满分

前方高能~~

露点又高叉嘅“背心”长裙

胸肌、腰线、大髀线条尽显

玩晒“处心积虑”嘅好身材大放题

台上“处男show”精彩纷呈

台下“八卦阵”睇头十足

胡鸿钧今次个show

係咪都值得睇下呢？