TVB剧集《隐形战队》

已播出超过一半，

令人期待已久的

陈展鹏终于登场啦！

据悉，监制文伟鸿

去年开拍此剧时，

一心谂住起用

《超能使者》原班人马，

但有指因为陈展鹏要求加人工

结果痛失“男一”，沦为配角。

但配角一样可以好抢镜！

煎pang今次饰演

“炸弹狂魔案”中的

主要人物匡胜天，

係一名能够迷惑人心、

擅于打心理战的大反派。

一出场就展现出

大Boss的霸气和压迫感，

几个眼神、对白

就令人不寒而栗。

不过讲番转头，

陈展鹏都好多年冇演过奸角了，

其实当年佢喺TVB未上位时，

就演过唔少反派角色，

靠着精湛演技，

个个人物都十分有魅力，

令人留下深刻印象。

今次难得再次挑机

戴眼镜款“斯文败类”角色，

煎pang亦希望能

有惊喜和新鲜感带给大家。

而煎pang更透露

今次最开心嘅其实係

能以“身份互换”形式

再次与马国明合作。

佢哋当年合作过剧集《真相》，

呢套剧係煎pang

喺无线第一次做男主角，

而马国明喺最尾几集演反派，

嗰时煎pang已经谂住，

将来有套剧马明做主角时，

佢可以做番反派以示支持，

今次总算係完成心愿啦~

well~虽然话演技好，

就係戏份少都可以成焦点，

但作为一线小生的陈展鹏，

近来又真係客串得有啲多咯，

除咗今次的《隐形战队》，

嚟近4月会播的《法言人》，

又有佢特别出演。

目前《法言人》预告片里

佢嘅镜头得一秒，

仲未知会演嘅角色係乜身份。

再计上之前

喺《廉政狙击》出演毕sir，

唔经唔觉，

佢已经连续客串咗3部剧，

都係另类霸屏嘅…

不过大家又唔使惊

煎pang冇男主角做嘅，

咪睇煎pang最近好似

净係挂住凑女、锡老婆咁，

其实人哋依然好有事业心噶~

除咗有特别出演嘅呢几部剧

keep住自己嘅曝光率，

佢手上仲有《隐门》

《香港人在北京》

两套“男一”剧待播。

而由佢主演的《逆天奇案》

喺5月也将开拍续集。

每部新剧都几吸引，

就等住佢哋正式上线啦~

另外，喺前段时间，

煎pang仲po咗张录音自拍相，

并配文“为新歌加油”，

睇嚟新的音乐作品

也准备要同大家见面啦~

你觉得陈展鹏适合

演忠角定奸角？

你最期待佢边部存货作品咧？

欢迎留言同大家讲下啵~

资料来源：剧照、微博

网络信息综合整理

编辑：陈祉伶

审核：曾敏妍

签发：骆苹