一直以嚟，小编都好欣赏邵美琪嘅出色演技！尤其，佢扮相十分适合时装剧；终于等到佢有份做女主嘅TVB新剧《完美叛侣》，邵美琪饰演曾宝琳(Rebecca)呢一个失婚可怜兮兮嘅小妇人角色！

请留心佢演戏时嘅眼神：惊慌神情

邵美琪系实力派，单单睇佢嘅演戏履历，根本喺《完美叛侣》中无人能及！佢应该系同剧中唯一一个喺大银幕、公仔箱、舞台剧上同样吃香嘅演员，连视帝陈豪都望尘莫及。此外，邵美琪亦同时可以喺中港台三地演剧，演技根本已得到大中华区观众嘅认同同青睐。

又请留心佢眼神中嘅感情

邵美琪都好有观众缘，但就唔系纯粹靠样靠身材吸引人嘅花瓶演员。如果你留心佢演戏时嘅眼神，你就会睇出佢嘅投入、认真同埋出色咁揣摸角色嘅心理状态以及历程！亦可以话系，邵美琪演戏一啲都唔表面同埋浮夸（小编又不期然谂起高音贝！！），尤其喺内心戏份上，佢已经达到收放自如、炉火纯青嘅境界。

做戏时，眼神嘅运用系感情最佳嘅流露，邵美琪做得恰如角色嘅戏份

不过可惜，邵美琪至今仍然系「无奖视后」。

喺大银幕上，佢唯一一次得奖系喺2003年凭杜琪峯《PTU》一戏中Kat嘅女警角色，得到第9届香港电影金紫荆奖最佳女配角！邵美琪不温不火咁演活咗Kat呢个女警角色，令人印象非常深刻。

唔该TVB啲高层大帝，请对邵美琪再次刮目相看啦！与其不停咁将一啲仲远远未「够班」嘅女演员「拔苗助长」，不如重用有好演技嘅实力派女演员，好似邵美琪一样，应该系时候准备一个视后俾佢了吧！唔好再"糟蹋"佢喇！

可能邵美琪个人比较钟意低调，不争名利。不过佢都系个非常"索"非常「有料」嘅人喎！

当然啦，佢嘅演技，先至系最犀利！

金句王

微信号：jinjuking

睇金句王，爽过去爆房！
每日发布粤港澳第一手开心嘢！
粤语 | 爆笑 | 搞嘢 | 吹水 | 抵死 | 顶瘾

欢迎搭讪 投稿都啱 合作更赞 小编微信: KingKingGuy