Neway太子薛世恒出席摄影展，表示玩开影相十几年，笑言影了十几万张相，问到可想搞番个摄影展？他说：“想，但冇时间筹备，其实影咗好多一辑一辑嘅相。（啲相有冇着衫㗎？）我影景多，好少影人，一开始系喺朋友生日聚会做摄影师先。”问到可有相片不出得街？他说：“有呀，原因都系唔出得街，每人都有秘密，其实系帮幕前朋友影相，影嗰阵都唔会公开。（啲人咪唔敢得罪你？）佢哋唔知有咩喺我身上。”

讲到工作，他表示幕前工作上年已完约：“今年就筹备紧新工作，依家系自由身，发觉唔容易，筹备紧嘅工作都系唔讲得，我会从生意人角度做同娱乐圈有关嘅嘢。”问到家人可有畀压力？他说：“冇，我都大个仔啦。（感情方面呢？）佢哋唔敢畀啦，费事令佢哋咁大希望，如果有我先会正正式式同佢哋讲。”问到可关上次同陈法拉的情伤事？他搞烂Gag说：“做呢行情商要好高。”问到现时可是单身？他懒神秘说：“OK啦！（追紧人？）唔讲住啦，可以讲会同大家讲，费事打草惊蛇。”他又谓之前脚伤已好番9成，3月会去滑雪。