最近郑伊健去TVB电视城

被不少艺人野生捕获

包括《爱回家》嘅Terry同KC

见到呢个情况好多网友就估

唔通伊面会友情客串一下？

well

其实除咗《爱回家》演员

有同伊面合照

马明都咁啱撞到伊面

而合照中亦有黎诺懿

原来伊面返TVB

唔係拍剧

而係为咗黎诺懿

乜原来佢哋咁friend嘅咩？

黎诺懿今年将首次以个人身份

主持节目《懿想得到》

伊面就嚟担任嘉宾支持好兄弟

据伊面透露

黎诺懿安排咗两人喺电视城踩单车

试下做D喺电视城以前冇得做嘅事

伊面都有为好友主动提出建议

例如喺电视城饭堂拍摄等等

另外

黎诺懿为咗多谢伊面

担任处男节目嘉宾

佢打算喺伊面嘅澳门演唱会上

担任表演嘉宾

仲话会唱2首歌之余

亦唔介意跳舞咁wor

点G伊面就踢爆话

其实黎诺懿担任演唱会嘉宾

係还之前台庆嘅人情债

话说当时黎诺懿

应承同伊面一齐上台唱歌

结果一路往后缩

唔G去咗边度

睇返上年台庆

伊面係同Pakho合唱嘅

唔少网民都觉得呢个组合怪怪哋

如今终于知道原来伊面

係想拉好友黎诺懿上台唱

只係黎诺懿怕丑唔咁公开唱

最后婉拒咗伊面

伊面喺接受访问期间

高举《懿想得到》嘅牌

出力帮兄弟做宣传

黎诺懿都忍唔住话：

「呢啲朋友边度揾呀你话！」

点解佢哋会咁friend呢？

原来黎诺懿当年都有段辛酸史

係靠伊面义气相助

黎诺懿06年拍《溏心风暴》

係佢人生最穷嘅时期

当年喺红磡住劏房

幸得伊面出手相助

伊面仲揾相熟导演介绍佢拍戏

「在最霉的時候，

伊健会叫我去佢屋企拣衫，

因为佢好多衫都只係着过一次，

着完就会送俾我。」

黎诺懿谂返当时

伊面好贴心咁话：

「啲衫我都唔要，过嚟拣啦！

我净係喺大陆着过，

香港唔会知嘅。」

唔讲真係冇咩印象

原来佢哋当时仲合拍过《随时候命》

二人不時约饭

伊面买打机嘅嘢

黎诺懿都有一齐去

黎诺懿话同伊面

係经另一位朋友认识嘅

后来一齐滑水、打羽毛球

去到一齐拍剧

但近年大家都有事业同家庭

好少见到面

不过兄弟情依然坚固

「到咗今時今日，

或者我哋依家係比较少见面，

但嗰种情，一见面就係兄弟！」

而伊面同蒙嘉慧

原来係黎诺懿介绍认识嘅

有传黎诺懿咁做係知恩图报

不过佢就话：

「佢哋係经我介紹一齐打羽毛球而认识嘅，

但能够走埋一齐係佢哋嘅缘份。」

Any肥

缘分嘅嘢真係好神奇

你有冇D咁好嘅兄弟/姊妹呢？