呢排最多人讲嘅话题系咩？当然系《幕后玩家》大结局啦。

不过，新剧《致命复活》同样好吸引！事关剧中郭晋安喺越南俾人绑架足足十年，绑架生活苦不堪言，安仔要生食青蛙同蛇嚟维生，获救后仲发现老婆万绮雯改嫁咗，真系惨惨猪！

原嚟安仔咁惨，背后有一个或多个「BIG BOSS」策划，而「BIG BOSS」嘅身份都开始浮面，难怪好多观众晚晚都紧贴剧情，用金精火眼去睇「边个系人，边个系鬼」！

《致命复活》最近几集讲到安仔成魔，向「BIG BOSS」展开复仇，剧情真系越嚟越紧凑，而前几晚一集就令到好多观众睇到肉紧又眼湿湿，因为有好多「洋葱」！

剧中安仔同患有自闭症嘅仔仔「子聪」本嚟关系好好，不过安仔失踪咗咁耐，加上早前官司缠身，令到仔仔误会佢，关系一度恶化。

为咗同仔仔修补感情，安仔不惜隐身做小丑，默默守护住仔仔之余，又陪佢玩兼鼓励佢。正当安仔以为仔仔咩都唔知，呢个时候「子聪」用一个火柴游戏，就系细个嘅时候安仔成日陪佢玩嘅游戏，佢话俾安仔知，自己系知道真相嘅，佢仲主动嗌安仔做「小丑爸爸」，其后两父子仲温馨相拥，相当感人！

▼▼▼

金句王

微信号：jinjuking

睇金句王，爽过去爆房！
每日发布粤港澳第一手开心嘢！
粤语 | 爆笑 | 搞嘢 | 吹水 | 抵死 | 顶瘾

欢迎搭讪 投稿都啱 合作更赞 小编微信: KingKingGuy