之前14年网上见韩国搞发呆比赛，成班人坐喺草地度发呆，成个画面非常搞笑，网民个个都好有自信话如果香港搞呢个比赛实赢梗。机会嚟喇飞云，第6届发呆比赛嚟到香港站，喺3月31号举行，目的就系想大家轻松一下，关注都市情绪病，香港地人人压力大，根据统计话每六个港人就有一位会患上情绪病，所以得闲冇事发吓呆，冇咁容易郁到病。

平时见个发呆比赛喺韩国搞，今次终于到香港。（资料图片）

专页分别喺Facebook同Instagram就发起咗个叫「全城挑战发呆1分钟」慨Tag，叫大家拍低发呆慨1分钟短片，自己要完全唔受外界影响慨，之后再Tag 3个你觉得好需要发呆纾压慨朋友。艺人方力申身先士卒支持，仲Tag咗老友洪天明、张继聪同苏丽珊，真系相当搞鬼！

方力申喺闹市中发呆。（网上截图）

张继聪之后都有响应。（网上截图）