上个礼拜谢安琪喺演唱会上面宣布暂别乐坛，专心做人妻，果然系香港女神，谢安琪顾家又锡老公！

一连两晚嘅红馆演唱会曲终人散，谢安琪除咗多谢一直帮助佢嘅朋友、工作人员同歌迷，更加喺演唱会度多谢自己，话当时佢又细胆又唔善于social，但仍然决心出道。其实，歌迷都要多谢你，为我哋带嚟咁多刻骨铭心又与众不同的音乐，期待阿Kay再推出唱片果一刻！

谢安琪 2005年出道，10年间喺乐坛进出并经历起跌，她出道第二年就凭《愁人节》迅速走红，但又因为未婚怀孕而暂退一段时间。

婚后以《囍帖街》喺2008年再创事业高峰，事业一日千里，更加成为当时乐坛天后人马之一。可惜喺11月初就因气胸入院并接受手术，佢嘅左肺之前曾三度爆裂，唱歌唔可以太用力。

【囍帖街】

2009年5月谢安琪喺红磡体育馆首次举办个人演唱会，请咗汪明荃担任尾场演唱会表演嘉宾。

因为佢曾经爆肺，所以佢嘅live水准唔系好稳，遭到媒体同网民嘅多次批评。

因为当时谢安琪比丈夫张继聪红好多，张继聪俾人称为「废柴老公」之外，同年谢安琪更同陈奕迅传出绯闻，令佢形象受损，不过最终谢安琪、张继聪、陈奕迅同徐濠萦相继澄清后，事情告一段落。

其后谢安琪向杂志《黑纸》透露，因网上嘅恶评同攻击，令佢患上轻微抑郁症，不过当时已经康复。

2010年《Slowness》专辑针对城市生活节奏过急嘅现象，口碑甚佳。

2010年8月同新艺宝(即环球唱片子公司)续约五年，随即推出首张国语大碟《第二个家》，不过反应比起《Slowness》惨淡，评价就麻麻，唔少乐评觉得呢张碟唔系好啱谢安琪一贯嘅个人风格。

2012年再于红馆举办演唱会，受到HKRIA版权风波影响，大众关注程度及场数明显唔及2009年。演唱会前亦有传经理人夏森美同环球唱片不和，到5月夏森美证实谢安琪已同环球唱片达成共识，和平解约。

回复自由身嘅阿Kay同TVB修补关系，7月再次踏上TVB嘅舞台，人气开始回升。

2013年谢安琪《最好的时刻》派台后成为2013年四台冠军歌曲，喺年底多个乐坛颁奖礼中获奖。

2014年同经理人成立「迈亚音乐」，推出广东大碟《Kontinue》，深受欢迎。

2015年参与由麦浚龙同填词人黄伟文计划嘅爱情三部曲，担任十年前歌曲《耿耿于怀》嘅女主角，同麦浚龙合唱《罗生门》，推出后好评如潮，登上香港iTunes下载排行榜第一位。

【罗生门】

上个礼拜嘅暂别乐坛演唱会，刘德华惊喜现身，两人更合唱《我恨我痴心》，全场High爆！

喺2016年演唱会结束后，Kay表示有生BB嘅打算：「如果生到都好，我谂40岁之前比较啱，生到小朋友会系好开心嘅事，现阶段想以家庭行先…」

【谢安琪暂别乐坛之歌：山林道】

金句王

微信号：jinjuking

睇金句王，爽过去爆房！
每日发布粤港澳第一手开心嘢！
粤语 | 爆笑 | 搞嘢 | 吹水 | 抵死 | 顶瘾

欢迎搭讪 投稿都啱 合作更赞 小编微信: KingKingGuy